Atyraýda kóliktiń áınegin syndyryp, 6 mln teńgeni urlap ketken
ATYRAÝ. QazAqparat – Atyraýda kóliktiń terezesin syndyryp 6 mln teńgeni urlap ketken, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, urlyq Atyraý qalasyndaǵy «Avangard» shaǵyn aýdanynda saǵat 12:43 shamasynda bolǵan.
«Búgin 50 jastaǵy azamat kóligin «Kóktem» bazarynyń aýmaǵyna qaldyryp, sharýasymen ketken. Sol kezde belgisiz bireýler kóliktiń áınegin syndyryp, qol sómkesine salynǵan 6 mln teńgeni urlap ketken» - dep habarlady departamenttiń baspasóz qyzmeti.
Qazir atalǵan derekke qatysty tergeý júrip jatyr.
Eske sala ketelik, budan buryn Atyraýda bir aptada júrgizýshi kýáliginsiz rýlge otyrǵan 11 adam ustalǵanyn, sondaı-aq, mas er adam kólik qozǵalysyna kedergi keltirgenin habarlaǵan edik.
