Atyraýda kólikti mas kúıde júrgizgen áıelge 371 myń teńge aıyppul salyndy
ATYRAÝ. QazAqparat –Atyraý oblysynda kólikti mas kúıde júrgizgen áıelge 371 myń 140 teńge aıyppul salyndy, dep habarlaıdy QazAqparat.
Atyraý qalasynyń mamandandyrylǵan ákimshilik sotynda QR Ákimshilik quqyqbuzýshylyq týraly Kodekstiń 608-babynyń 8-bóligi jáne 476-babynyń 6-tarmaǵymen azamatsha A.J.-ǵa qatysty ákimshilik is qaraldy. Sotta anyqtalǵandaı, onyń kólik quralyn basqarý quqyǵy bolmaǵan. Alaıda, 2020 jyldyń sáýir aıynda túngi ýaqytta avtokólikti masań kúıde júrgizgen», dep habarlady oblystyq sottyń baspasóz qyzmeti.
Sot otyrysynda quqyq buzýshy kinásin moıyndady. Ol páter kiltin ápkesine jetkizý úshin mashınany júrgizýge májbúr bolǵanyn aıtyp, aqtalýǵa tyrysqan. Biraq, sot oǵan qatysty birneshe qaýly shyǵardy. Sóıtip, mas kúıde kólik rýline otyrǵan áıelge QR Ákimshilik quqyqbuzýshylyq týraly Kodekstiń 608-babynyń 8-bóligimen 371 140 teńge ákimshilik aıyppul salyndy. Sondaı-aq, atalǵan Kodekstiń 476-babynyń 6-tarmaǵymen eskertý túrindegi jaza qoldanyldy.
