Atyraýda kólikti kýáliksiz basqarǵan júrgizýshige 90 myń teńge aıyppul salyndy
ATYRAÝ. QazAqparat –Atyraý oblysynda kólikti kýáliksiz basqarǵan júrgizýshige 97 230 teńge kóleminde aıyppul salyndy, dep habarlaıdy QazAqparat.
Buǵan deıin Qyzylqoǵa aýdanynyń turǵyny kólik quralyn basqarý quqyǵynan aırylǵan. Biraq, soǵan qaramastan, onyń Mııaly aýylynda kólikti kýáliksiz júrgizgeni anyqtalǵan.
«Quqyq buzǵan azamatqa qatysty Qyzylqoǵa aýdandyq sotynda QR Ákimshilik quqyq buzýshylyq týraly Kodekstiń 612-babynyń 3-bóligimen ákimshilik is qaraldy. Kólik rýline kýáliksiz otyrǵan azamat sotta kinásin moıyndap, zańsyz áreketine ókinishin bildirdi» -dep habarlady Atyraý oblystyq sotynyń baspasóz qyzmeti.
Sot qaýlysymen quqyq buzýshy kináli dep tanyldy. Oǵan 97 230 teńge ákimshilik aıyppul salyndy.
