Atyraýda kólikten 20 mln teńge urlaǵan kúdikti ustaldy
Oblystyq polıtsııa departamenti baspasóz qyzmetiniń aqparatyna qaraǵanda, búgin tańǵy saǵat 7:20 shamasynda 102 operatoryna júk kóliginen 20 mln 445 myń teńge urlanǵany týraly habar túsken.
«Polıtsıa qyzmetkerleri kúdiktini jedel izdestirý is-sharasyn júrgizip, «Aqtóbe-Atyraý-Reseı Federatsııasynyń shekarasy» baǵytyndaǵy tas joldyń boıynda turǵan «DAF» markaly aýyr júk kóliginiń salonynan 20 mln 445 myń teńge karajaty salynǵan sómkeniń urlanǵanyn anyqtady. Kólik júrgizýshisiniń aıtýynsha, belgisiz adam aqsha salynǵan sómkeni jasyryn túrde jymqyryp, okıǵa ornynan boı tasalap ketken. Jedel-izdestirý is-sharalarynyń nátıjesinde Atyraý qalalyq polıtsııa basqarmasyna qarasty jedel basqarý ortalyǵynyń qyzmetkerleri kúdikti kóringen Geely GC 7 kóligin anyqtady», -dep habarlady departamenttiń baspasóz qyzmeti.
Kúdikti kólik «Atyraý-Dossor» baǵytyndaǵy jolmen Maqat aýdanyna baǵyt alǵan. Bul týraly Maqat aýdandyq polıtsııa bóliminiń kyzmetkerlerine baǵyttama berilgen.
«Maqat aýdanynyń polıtsııa qyzmetkerleri atalǵan kóliktitoqtatyp, 1999 jylǵy kúdikti ustady. Qazir kúdiktige qatysty QR Qylmystyq kodeksiniń 188-babynyń 4-bóligimen sotqa deıingi tergeý bastaldy. Ózge aqparat QR Qylmystyq protsestik kodeksiniń 201-babyna sáıkes jarııalaýǵa jatpaıdy», -dep málim etti departamenttiń baspasóz qyzmetinen.
Aqshasynan aıyrylǵan júk kóliginiń júrgizýshi de, qomaqty qarjyny urlaǵan kúdikti de Atyraý oblysynyń turǵyndary ekeni anyqtalyp otyr.
Eske sala ketelik, buǵan deıin Atyraýda bir kúnde 3,4 mln teńge aıyppuly tólenbegen 12 júrgizýshi ustalǵanyn habarlaǵan bolatynbyz.
Avtor: Bek Mustafa