Atyraýda kólik júrgizýshisine eki kúnde 782 myń teńge aıyppul salyndy
ATYRAÝ. QazAqparat – Atyraýda joǵary jyldamdyqpen júrýge qumar júrgizýshi eki kúnde 782 myń teńge aıyppul arqalady, dep habarlaıdy «QazAqparat» HAA tilshisi.
«Búgin Atyraý qalasy patrýldik qyzmetiniń qyzmetkerleri jelikpe júrgizýshini qolǵa túsirdi. Reseılik memlekettik nómir taǵylǵan «Priora» avtokóliginiń 31 jastaǵy júrgizýshisi «Kordon-M» statsıonarly jyldamdyq ólsheýish quralyna túsip qalǵan. Belgili bolǵandaı, bul onyń jyldamdyqty asyrýynyń 43-shi deregi. «Aqyldy» tehnıka onyń jol erejesin buzý faktilerin sońǵy eki aı boıy túsirip turǵan. Jedel basqarý ortalyǵyna habar kelip túskennen keıin, vıdeobaqylaý júıesiniń operatorlary qaladaǵy kólik aǵyny arasynan avtokólikti taýyp, oǵan jaqyn mańdaǵy patrýl jiberildi. Polıtseıler aıyppuldardyń jalpy somasyn shyǵardy - 782 750 teńge. Júrgizýshimen profılaktıkalyq áńgime júrgizilip, aıyppuldardy tóleýdiń jeńildetilgen ádisi túsindirildi. ıAǵnı, qaryzdy bir aptanyń kóleminde tólegen jaǵdaıda 50 paıyz jeńildik jasalady» , - dedi oblystyq Polıtsııa departamentiniń baspasóz qyzmetinen.
Avtokólik aıyp turaǵyna jetkizildi.
