Atyraýda kólik júrgizgen oqýshy balanyń anasy jaýapqa tartyldy
ATYRAÝ. QazAqparat – Atyraýda aǵasynyń kóligin júrgizgen 14 jasar jasóspirimniń anasyna aıyppul salyndy, dep habarlaıdy QazAqparat.
«Atyraý qalalyq polıtsııa basqarmasy Jedel basqarý ortalyǵynyń beınebaqylaý qyzmetkerleri 28 sáýirde saǵat 12:00 shamasynda S.Datov - G.Kantsev kósheleriniń qıylysynda «VIS 23470040» markaly avtokólik júrgizýshisiniń qaýipsizdik beldigin taqpaı kele jatqanyn baıqap, patrýldik polıtseılerge baǵyttama bergen. Kólikti toqtatqan polıtseıler tekserý kezinde rýlde 14 jastaǵy jasóspirimniń otyrǵanyn anyqtady. Kámelet jasqa tolmaǵan jasóspirim aǵasyna tıesili kólikti tizgindegen», - dep habarlady oblystyq Polıtsııa departamentiniń baspasóz qyzmetinen.
Rýldegi jasóspirimniń kámelet jasqa tolmaýyna baılanysty onyń 1973 jyly týǵan anasyna qatysty QR Ákimshilik quqyqbuzýshylyq týraly kodeksiniń 612-baby 2-bóligimen (Qujattary joq jáne basqarý quqyǵy joq adamnyń kólik quralyn basqarýy), 593-babynyń 2-bóligimen (Qaýipsizdik beldigin taqpaǵany úshin) ákimshilik hattamalar toltyrylyp, 43 755teńge kóleminde aıyppul salynǵan.
Atyraý oblysynda kámelet jasqa tolmaı kólik tizgindegen taǵy bir jasóspirim týraly jazǵan bolatynbyz.
