Atyraýda kólik jóndeý ortalyǵynda 8 avtomobıl órtenip ketti
ATYRAÝ. QazAqparat –Atyraýda kólik jóndeý ortalyǵynda turǵan 8 kólik janyp ketti, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinde, órt búgin 17 shildede saǵat 19:21-de bolǵan.
«Atyraý qalasyndaǵy I.Taımanov kóshesinde ornalasqan «Qazazer» JShS-niń kólik jóndeý ortalyǵynda órt shyqty. Órt saldarynan ǵımarattyń ishinde turǵan 8 jeńil avtokólik janyp ketti. Jalyndy sóndirýge arnaýly qyzmettiń 15 qyzmetkeri men 4 tehnıkasy tartyldy. Órt saǵat 20:00-de oqshaýlanyp, 20:41-de tolyǵymen sóndirildi»-dep habarlady baspasóz qyzmetinen.
