Atyraýda kólik jóndeý ortalyǵy órtendi
ATYRAÝ. QazAqparat – Atyraýda kólik jóndeý ortalyǵy órtendi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, órt 27 tamyzda Atyraý qalasyndaǵy kólik jóndeý ortalyǵynda tutanǵan.
«Órt sóndirýshiler shaqyrtý ornyna jetken kezde ortalyqtyń 150 sharshy metr aýmaǵy janyp jatqany anyqtaldy. Ortalyqtyń metall konstrýktsııasy tolyǵymen órtenip ketti.
Bul kezde ortalyqta kólik bolmaǵan. Jalyn saǵat 13:50 mınýtta oqshaýlanyp, saǵat 13:55 mınýtta sóndirildi. Órtti sóndirýge departamentten 16 qyzmetker men 4 tehnıka jumyldyryldy» -dep habarlady departamenttiń baspasóz qyzmeti.
Eske sala ketelik, budan buryn Atyraýda aýyldaǵy balalar alańy órtenip ketkenin jazǵan edik.
