Atyraýda kólik terezesin syndyryp, 500 myń teńge urlaǵan kúdikti ustady
ATYRAÝ. QazAqparat – Atyraýda kólik terezesin syndyryp, 500 myń teńge urlaǵan kúdikti ustady, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, urlyq 24 tamyzda túngi saǵat 02:00-03:00 aralyǵynda bolǵan.
«Atyraý qalalyq polıtsııa basqarmasyna 1999 jylǵy úıiniń aýlasynda turǵan «Lada Prıora» avtokóliginen 500 myń teńgesi men bank kartalary urlanǵany týraly shaǵym túsirgen. Jábirlenýshiniń aıtýynsha, kóliktiń sol jaqtaǵy aldyńǵy esiginiń qulpy buzylǵan», dep habarlady departamenttiń baspasóz qyzmeti.
Polıtsııa qyzmetkerleri jedel izdestirý sharasy kezinde Batys Qazaqstan oblysynyń 26 jastaǵy turǵynyn ustady. Qazir atalǵan urlyq deregimen QR Qylmystyq kodeksiniń 188-babynyń 3-bólimimen qylmystyq is qozǵaldy.
Eske sala ketelik, buǵan deıin Atyraý oblysynda páter tonaǵan 8 ury ustalǵanyn habarlaǵan edik.
