Atyraýda kólik terezesin syndyryp 2 mln teńge urlaǵandar ustaldy
Oblystyq polıtsııa departamenti baspasóz qyzmetiniń málimetine súıensek, oqıǵa 12 qazanda saǵat 13:31 shamasynda bolǵan.
«Atyraý qalalyq polıtsııa basqarmasynyń 102 operatoryna 35 jastaǵy turǵyn shaǵym túsirgen. Aryzdanýshynyń aıtýynsha, 12 qazanda saǵat 12:50-13:25 aralyǵynda belgisiz adam Kia Sportage markaly avtokóliginiń júrgizýshi jaq terezesin syndyryp, salonnan 2 mln teńge aqshasyn urlap ketken. Polıtsııa qyzmetkerleri atalǵan derekke qatysty jedel izdestirý jumystaryn júrgizdi. Sol kezde Atyraý qalasynyń aýmaǵynda ornalasqan beınebaqylaý kameralary arqyly jábirlenýshi kóliginiń artynan Vaz-2114 markaly kóliginiń erip júrgeni anyqtaldy. Alaıda, atalǵan kúdikke ilingen avtokóliktiń qala aýmaǵynan shyǵyp ketken. Sol sebepten, aýdandarǵa baǵyttama berildi» -dep habarlady departamenttiń baspasóz qyzmeti.
Polıtsııa qyzmetkerleri kúdikti avtokólikti «Atyraý-Inder» baǵytyndaǵy joldyń Jarsýat aýylynyń tusynda 132-shaqyrymda toqtatqan.
«Kóliktiń rýlinde 1977 jylǵy júrgizýshi boldy. Onymen birge bolǵan 1974 jáne 1981 jylǵy jolaýshylardyń jeke zattary tekserildi. VAZ-2114 avtokóliginiń ishinen paketke oralǵan 2 mln teńge tabyldy. Ózge kólikten urlanǵan qarjy aıǵaq zat retinde tárkilendi. Urlyqqa qatysy bar kúdiktiler Oral, Aqtóbe jáne Shymkent qalalarynyń turǵyndary ekeni belgili boldy» -dep málim etti baspasóz qyzmetinen.
Qazir ustalǵan kúdiktilerge qatysty QR Qylmystyq kodeksiniń 188-babynyń 3-bóligimen (Urlyq) qylmystyq is qozǵaldy. Al, kúdiktiler ýaqytsha ustaý ızolıatoryna qamaýǵa alyndy. Kúdiktilerdiń ózge qylmystarǵa qatysy anyqtalýda.
Eske sala ketelik, budan buryn Atyraýda kólik terezesin syndyryp, 6 mln teńgeni urlap ketkenin jazǵan edik.