Atyraýda kólik oqýshyny qaǵyp ketti
ATYRAÝ. QazAqparat - Búgin Atyraýda jaıaý júrginshiler jolaǵymen ótip bara jatqan 14 jastaǵy oqýshy qyzdy mashına qaǵyp ketti, dep habarlaıdy «QazAqparat» HAA tilshisi.
«Oqıǵa Ogorodnyı kóshesinde bolǵan. Jedel túrde balalar aýrýhanasyna jetkizilgen qyzdyń jambasy synǵan. Sondaı-aq, ol jabyq bas súıek-mı jaraqatyn alǵan», -deıdi oblystyq densaýlyq saqtaý basqarmasynyń baspasóz qyzmeti.
Alaıda, kýágerler áleýmettik jelilerge avtomobıldiń eki oqýshyny birdeı qaǵyp ketkenin jazyp jatyr. Olardyń bireýi aýrýhanaǵa jolshybaı kóliktermen jetkizilgenge uqsaıdy.
«Zardap shekken ekinshi qyz týraly aqparattyń qanshalyq ras ekendigin bilmeımiz, ol ázirge aýrýhanaǵa túsken joq»,- deıdi densaýlyq saqtaý basqarmasynyń baspasóz qyzmeti.
