Atyraýda kólik qaqqan jaıaý júrginshi mert boldy
ATYRAÝ. QazAqparat – Atyraýda kólik qaqqan jaıaý júrginshi jol jıeginde mert boldy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy keshe, 25 aqpanda Atyraý qalasynda bolǵan.
«Shahardaǵy «Toyota Camry» kóligi túngi saǵat 22:00 shamasynda Dútbaev kóshesindegi jol jıegimen kele jatqan 59 jastaǵy jaıaý júrginshini qaǵyp ketken. Jol-kólik oqıǵasynyń saldarynan jaıaý júrginshi jol jıeginde qaıtys boldy. Kólikti 28 jastaǵy júrgizýshi basqarǵan», -dep málim etti departamenttiń baspasóz qyzmetinen.
Qazir polıtsııa qyzmetkerleri atalǵan jol-kólik oqıǵasyna baılanysty tergeý júrgizip jatyr.
Eske sala ketelik, budan buryn Atyraýda rýlde qan qysymy kóterilgen júrgizýshiniń kóligi aýdarylyp, 3 adam aýrýhanaǵa túskenin habarlaǵan edik.
