Atyraýda kólik qaqqan jaıaý júrginshi aýrýhanada kóz jumdy
Jol-kólik oqıǵasynan zardap shekken jaıaý júrginshi búgin, 12 sáýirde aýrýhananyń jansaqtaý bólimshesinde qaıtys bolǵan. Bul derekti oblystyq polıtsııa departamentiniń baspasóz qyzmeti rastady.
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy 10 sáýir kúni saǵat 21:00 shamasynda bolǵan.
«Atyraý qalasyndaǵy «Nursaıa» shaǵyn aýdanynda Mercedes Benz kólik quralynyń rýlinde bolǵan 1979 jylǵy júrgizýshisi joldyń belginbegen tusynan ótpek ótpekshi bolǵan qaǵyp, oqıǵa ornynan qashyp ketken. Zardap shekken 32 jastaǵy jaıaý júrginshi jedel járdem brıgadasynyń kóligimen aýrýhanaǵa jetkizilgen. Patrýldik polıtsııa batalonynyń qyzmetkerleri jol apatyna kináli júrgizýshiniń jeke basyn anyqtap, ustady. Qazir atalǵan jol-kólik oqıǵasyna baılanysty sotqa deıingi tergeý amaldary júrgizilip jatyr», -dep habarlady departamenttiń baspasóz qyzmeti.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn Atyraýda jyl basynan beri jol apatynan 24 adam kóz jumǵanyn jazǵan bolatynbyz.
Jergilikti polıtsııa qyzmeti basqarmasynyń basshysy, polıtsııa polkovnıgi Erlan Bıǵambaev málimetinshe, bıylǵy jyl basynan beri 54 jol-kólik oqıǵasy tirkelgen.
Oblys aýmaǵyndaǵy tas joldarda jol apatynan 24 adam kóz jumyp, 75 adam ártúrli dene jaraqatyn alǵan. Jol-kólik oqıǵalarynyń bári júrgizýshilerdiń jolaýshylardyń qaýipsizdigine salǵyrt qaraýynan bolǵan.