Atyraýda kólik qaqqan 63 jastaǵy kisi aýrýhanaǵa jetkizildi
ATYRAÝ. QazAqparat – Atyraýda kólik qaqqan 63 jastaǵy er adam aýrýhanaǵa jetkizildi, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy búgin, 15 aqpanda bolǵan.
«Atyraý qalasyndaǵy S.Datov kóshesinde saǵat 20:00 shamasynda «Mitsubishi Galant» markaly jeńil kólik jaıaý júrginshini qaǵyp ketti. Jaıaý júrginshiniń jasy 63-te. Ol jaıaý júrginshilerge arnalǵan jolaqtan ótpek bolǵan. Jeńil kólikti 1998 jylǵy júrgizýshi basqarǵan. Kólik qaqqan júrginshi jedel-járdem kóligimen aýrýhanaǵa jetkizildi», -dep habarlady departamenttiń baspasóz qyzmeti.
Qazir polıtsııa qyzmetkerleri atalǵan jol-kólik oqıǵasyna baılanysty tergeý amaldaryn bastady.
Eske sala ketelik, buǵan deıin Atyraýda 14 jastaǵy jasóspirim qyzdy kólik qaǵyp ketkenin jazǵan edik.
