Atyraýda kólik qaqqan 40 jastaǵy jaıaý júrginshi qaza tapty

ATYRAÝ. QazAqparat – Atyraýda jaıaý júrginshiler ótpe jolynda 40 jastaǵy er adam qaza tapty, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, qaıǵyly jaǵda» Sátpaev dańǵylynda bolǵan. «Toıota» kóliginiń júrgizýshisi ótpe joldan ótip bara jatqan júrginshini qaǵyp ketken. Er adam alǵan jaraqatynan oblystyq aýrýhanada kóz jumdy.

«Toıota» kóliginiń 23 jastaǵy júrgizýshisine qatysty QR QK 345-baby 3-bólimi boıynsha is qozǵalyp, tergeý júrip jatyr. Birqatar saraptamalar taǵaıyndaldy.

Eske sala keteıik, 21 qyrkúıekte Atyraýda dál osyndaı jol apaty bolyp, kólik qaqqan 17 jasar bozbala kóz jumǵan edi.