Atyraýda kólik qaqqan 16 jasar jasóspirim aýrýhanaǵa jetkizildi
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy búgin, 14 qazanda bolǵan.
«Jergilikti ýaqytpen saǵat 17:50 shamasynda Toyota Camry kóligi Atyraý qalasynyń Azattyq dańǵylyndaǵy rettelmegen jaıaý júrginshiler ótkelinde jasóspirimdi qaǵyp ketti. Kóliktiń rýlinde 57 jastaǵy júrgizýshi bolǵan. Jol-kólik oqıǵasynyń saldarynan 2006 jylǵy jasóspirim ártúrli dene jaraqatyn alǵan. Sol sebepten, zardap shekken jasóspirim jedel járdem brıgadasynyń kóligimen oblystyq balalar aýrýhanasyna jetkizildi», -dep habarlady departamenttiń baspasóz qyzmeti.
Qazir polıtsııa qyzmetkerleri atalǵan jol-kólik oqıǵasyna qatysty tıisti qujattardy jınaqtap jatyr.
Jergilikti polıtsııa qyzmeti basqarmasynyń aǵa ınspektory, polıtsııa maıory Amanjol Jumalıevtyń aıtýynsha, jol-kólik oqıǵasyn tek adamdar emes, qaraýsyz júrgen mal da sebepker bolady. Jyl basynan beri sondaı maldyń kesirinen 76 jol-kólik oqıǵasy tirkelgen. Onyń ishinde 27 jol apaty qyrkúıek aıynda bolǵan. Segiz jol apatynan 6 adam ártúrli dene jaraqatyn alǵan.
Eske sala ketelik, Atyraýda 14 jasar oqýshy mektepke bomba qoıylǵany týraly jalǵan habar bergenin https://kaz.inform.kz/news/atyrauda-14-zhasar-okushy-mektepke-bomba-koyylgany-turaly-zhalgan-habar-bergen_a3989800 habarlaǵan bolatynbyz.