Atyraýda kólik aýdarylyp, júrgizýshi men eki jolaýshy aýrýhanaǵa tústi

ATYRAÝ. QazAqparat – Atyraý-Oral baǵytyndaǵy kúre jolda kólik aýdarylyp, júrgizýshi men eki jolaýshy aýrýhanaǵa tústi, dep habarlaıdy QazAqparat.

Jol-kólik oqıǵasy búgin, 11 qarashada jergilikti ýaqytpen saǵat 07:30 shamasynda bolǵan.

«Atyraý shaharynan Batys Qazaqstan oblysynyń ortalyǵy – Oral qalasyna baǵyt alǵan kúre joldyń 14-shaqyrymynda Toyota Fortuner markaly kólik aýdaryldy. Polıtsııa qyzmetkerleriniń tekserýiniń nátıjesinde bul kóliktiń rýlinde bolǵan 1981 jylǵy júrgizýshiniń basqarý júıesin ıegere almaı, jol-kólik oqıǵasyn jasaǵany anyqtaldy. Jol-kólik oqıǵasynyń saldarynan júrgizýshi men kólik salonynda otyrǵan eki jolaýshy ártúrli dene jaraqatyn aldy. Zardap shekken úsh adam jedel járdem brıgadasynyń kóligimen oblystyq aýrýhanaǵa jetkizildi», -dep habarlady departamenttiń baspasóz qyzmeti.

Qazir polıtsııa qyzmetkerleri atalǵan jol-kólik oqıǵasyna baılanysty tıisti is qujattaryn jınaqtap jatyr.

Eske sala ketelik, buǵan deıin Atyraý oblysynda kólik apatynan 14 jastaǵy júrgizýshi

mert bolyp, taǵy 4 jasóspirim aýrýhanaǵa túskenin habarlaǵan edik.

Qurmanǵazy aýdanyndaǵy Jastalap aýylynyń tusynda Toyota Corolla avtokóligi jol jıegine aýdarylǵan.

Apatqa ushyraǵan kólikti ata-anasynyń ruqsatynsyz aıdap ketken 2008 jylǵy jasóspirim oqıǵa ornynda mert boldy.

Onymen birge kólikte bolǵan 2007 jyly týǵan 4 jasóspirim túrli dene jaraqatymen aýdandyq ortalyq aýrýhanaǵa jetkizildi.

Atalǵan jol-kólik oqıǵasyna baılanysty ІІM ÁPK erekshe tapsyrmalar jónindegi aǵa ınspektory Aqtoty Boranova málimdeme jasaǵan bolatyn.