Atyraýda kólik apatynan 4 adam zardap shegip, bireýi kóz jumdy
ATYRAÝ. QazAqparat – Atyraýda jol apatynan keıin eki júrgizýshi men eki jolaýshy aýrýhanaǵa jetkizildi. Jolaýshynyń bireýi jansaqtaý bóliminde kóz jumdy, dep habarlaıdy QazAqparat.
Jol-kólik apaty 22 qyrkúıekte túngi saǵat 01:20 shamasynda Atyraý qalasyndaǵy Sátpaev kóshesinde bolǵan.
«Bir baǵytta júrip kele jatqan «Hyundai Accent» pen «Lada Prıora» markaly avtokólikteri soqtyǵysqan. Jol apatynyń saldarynan «Lada Prıora» kóligi elektr baǵanasyna soǵyldy. Eki júrgizýshi men eki jolaýshy oblystyq aýrýhanaǵa jetkizilgen. Bir jolaýshy aýrýhananyń jansaqtaý bóliminde qaıtys boldy. Reseıde shyǵarylǵan kóliktiń júrgizýshisi travmotologııa bóliminde jatyr» -dep habarlady departamenttiń baspasóz qyzmeti.
Oqıǵa ornynda jol-kólik apatynyń syzbasy jasalǵan. Eki kólik turaqqa qoıylǵan. «Hyundai Accent» kóliginiń júrgizýshisi medıtsınalyq saraptamadan ótkizilip, ishidik ishpegeni anyqtalǵan.
