Atyraýda kóligine jalǵan nómir taǵyp alǵan mas júrgizýshi ustaldy
ATYRAÝ. QazAqparat – Atyraýda mas júrgizýshi jasandy nómiri bar kólikti júrgizgen, dep habarlaıdy QazAqparat.
10 qarasha saǵat 03:00 shamasyndatpatrýldik polıtsııa qyzmetkerleri memlekettik belgisi kúdik týdyrǵan «Toyota Avalon» avtokóligin toqtatqan. Tekserý kezinde kólikke taǵylǵan memlekettik belginiń jasandy ekeni anyqtaldy.
Sheteldik kólikti tizgindegen 23 jastaǵy júrgizýshiniń ortasha mas bolǵany dáleldendi.
«Bul azamatqa qatysty QR Ákimshilik quqyq buzý kodeksiniń 590-babynyń 4-bólimi jáne 608-baby 1-bólimine sáıkes jınaqtalǵan qujattar Atyraý qalalyq mamandandyrylǵan ákimshilik sotyna joldandy» dep habarlady oblystyq polıtsııa departamentiniń baspasóz qyzmeti.
Sot qaýlysymen mas júrgizýshi 7 jylǵa kólik quralyn júrgizý quqyǵynan aıyrylyp, 15 táýlikke ákimshilik qamaýǵa alyndy.
Eske sala ketelik, buǵan deıin Atyraýda bir aptada 1000-nan astam jol erejesi buzylǵanyn jazǵan bolatynbyz.
