Atyraýda kóligine eki túrli nómir taqqan júrgizýshi ustaldy
ATYRAÝ. QazAqparat – Atyraýda kóliginiń aldy men artyna eki túrli nómir taqqan júrgizýshi ustaldy, dep habarlaıdy QazAqparat tilshisi.
«Atyraý qalasynda patrýldik polıtseıler «VAZ-2114» avtokóligin toqtatty. Tekserý kezinde Reseı Federatsııasynda tirkelgen jeńil kóliktiń aldyńǵy jaǵyna taǵylǵan memlekettik belginiń áriptik sımvoldary ózgertilgeni anyqtaldy. Kólik quraly arnaýly aıyp turaǵyna qoıyldy», - dep habarlady oblystyq polıtsııa departamentiniń baspasóz qyzmeti.
Qazir 38 jastaǵy júrgizýshiniń áreketinen qylmys belgilerin anyqtaý úshin tekserý júrgizilip jatyr.
Eske sala ketelik, Atyraýda eki eldiń azamattyǵy bar áıelge 500 myń teńge aıyppul salynǵanyn bolatyn.
