Atyraýda kóligimen ıt súıregen júrgizýshi ustaldy

ATYRAÝ. QazAqparat –Atyraýda kóligimen ıtti súıregen júrgizýshi ustaldy, dep habarlaıdy QazAqparat.

Áleýmettik jelide ıtti súıregen kólik týraly vıdeo tarady. Oqys oqıǵa Atyraý qalasyndaǵy Azattyq dańǵylynda bolǵan.

«Atalǵan derekke baılanysty Atyraý qalasynda turatyn avtokólik júrgizýshisi anyqtalyp, ustaldy. Oǵan qatysty QR Qylmystyq Kodeksiniń 316-babymen sotqa deıingi tergeý júrip jatyr» dep habarlady oblystyq polıtsııa departamentiniń baspasóz qyzmetinen.

Eske sala ketelik, budan buryn Atyraýda tońazytqyshtyń esigimen qysyp, azaptaǵan ıtti AQSh azamaty asyrap alǵanyn habarlap edik.