Atyraýda kóktemde ań aýlaýǵa tyıym salyndy
ASTANA. QazAqparat - Atyraýda kóktemde ań aýlaýǵa tyıym salyndy. Bul týraly Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń teńiz ınspektsııasy bóliminiń basshysy Isataı Aralbekov málim etti.
Isataı Aralbekovtiń aıtýynsha, 2016 jylǵy jeltoqsannyń aıaǵynda kúshine engen «Janýarlar dúnıesi obektilerin, olardyń bólikteri men derıvattaryn paıdalanýǵa shekteý men tyıym salýdy engizý, olardy paıdalaný oryndary men merzimderin belgileý týraly» QR Orman sharýashylyǵy jáne janýarlar dúnıesi komıtetiniń buıryǵyna engizilgen ózgerister men tolyqtyrýlarǵa sáıkes, erejeniń 25-tarmaǵy boıynsha bekire tuqymdas balyq túrleri men olardyń derıvattaryn (ýyldyryq) paıdalanýǵa jeke jáne zańdy tulǵalarǵa bekire tuqymdas balyq túrlerin aýlaýǵa tyıym salý engizilgen.
«Al buryn bul tarmaqta: «Myna: 1) bekire balyqtaryn ósirý zaýyttaryn; 2) ǵylymı zertteý úshin aýlaýdy júzege asyratyn ǵylymı uıymdaryn; 3) bekire tuqymdas balyq túrlerin aýlaýǵa kvotasy bolǵan jaǵdaıda memlekettik monopolııa sýbektisin qospaǵanda, jeke jáne zańdy tulǵalarǵa bekire tuqymdas balyq túrlerin aýlaýǵa tyıym salý engizilsin», dep kórsetilgen edi», deıdi ol.
Sonymen qatar ınspektsııa bóliminiń basshysy, osy buıryq arqyly 16 aqpan men 14 maýsym aralyǵynda ań aýlaýǵa tyıym salynǵandyǵyn atap ótti.
