Atyraýda kóktemde 56 ýchaskeni sý basý qaýpi bar
ATYRAÝ. QazAqparat - Atyraýda kóktemde erigen qar jáne jańbyr sýy saldarynan 56 ýchaske sý astynda qalýy múmkin, dep habarlaıdy «QazAqparat» HAA tilshisi.
«Qalanyń túrli jerinde ornalasqan 56 ýchaskeniń 11-i asa qaýipti bolyp tabyldy. Bul aýmaqtarda tek turǵyn úıler emes, mektepter men balabaqshalar da ornalasqan. Qazirgi tańda oblys ortalyǵynda belsendi qar tazalaý jáne olardy qala syrtyna tasý jumystary júrgizilýde. Qala turǵyndarymen tyǵyz qarym-qatynasta jumys jasaýdamyz. Shuǵyl jeli nómirine jeke úılerde úıilip qalǵan qarlardy shyǵarý týraly habarlamalar kelip túsýde. Biraq jeke kásiporyndar men mekemeler aýmaǵynda qar kóp. 2016 jyly Sátbaev kóshesiniń boıyna synaq negizinde drenajdy júıe ornatyldy. Qazirgi tańda óz paıdasyn tıgizýde. Bıylǵy jyly drenajdy júıeni oblys ortalyǵynyń 13 ýchaskesine ornatý josparymyzda bar. Konsýltatsııa úshin Gollandııa, Aýstrııa men Reseı elderinen jumys tájirıbesi mol mamandar shaqyryldy», - dep habarlady Atyraý qalasynyń ákimi Serik Shapkenov TJ boıynsha óńirlik komıssııa otyrysynda.
