Atyraýda kóktaıǵaq: eki kólik soqtyǵysyp, bir jolaýshy aýrýhanaǵa tústi
Oblystyq polıtsııa departamenti baspasóz qyzmetiniń aqparatyna qaraǵanda, jol-kólik oqıǵasy 16 qarashada saǵat 11:00 shamasynda bolǵan.
«Búgin «Atyraý-Dossor» baǵytyndaǵy tas joldyń boıynda ornalasqan dámhana tusynda «Toyota Hilux» kóliginiń júrgizýshisi kóktaıǵaqta rýlge ıe bola almaı qalǵan. Sonyń
saldarynan jol jıeginde turǵan «Lada Priora» avtokóligine soqtyǵysqan. Jol-kólik apatynyń saldarynan «Lada Priora» kóliginiń jolaýshysy jaraqat aldy. Jaraqattanǵan
jolaýshy Atyraý oblystyq aýrýhanasyna jedel jetkizildi» -dep habarlady departamenttiń baspasóz qyzmeti.
Oblystyq polıtsııa departamenti aýa-raıynyń kúrt ózgerip, temperatýranyń tómendeýine baılanysty júrgizýshilerge eskertý berip otyr.
«Kúzgi-qysqy kezeńniń bastalýymen aýa-raıynyń, ıaǵnı meteorologııalyq jaǵdaıdyń ózgerýi kólik júrgizýge áldeqaıda qaýipti bolady. Jyldyń osy mezgilinde óte muqııat bolý kerek ekenin eskertkimiz keledi. Jyldamdyq rejımin, sondaı-aq, avtomobılder arasyndaǵy qaýipsiz araqashyqtyqty saqtaý, qysqy dóńgelektermen jabdyqtaý joldaǵy
kútpegen apattyń aldyn alýǵa birden-bir sebepshi bolady» -delingen eskertýde.
Qazir jol-kólik oqıǵasyna baılanysty tekserý júrip jatyr.
Eske sala ketelik, buǵan deıin Atyraýda Reseıde tirkelgen kólik júrgizýshisi adam qaǵyp,
mert qylǵanyn jazǵan bolatynbyz.
