Atyraýda kókónis baǵasy tómendeýi múmkin
ASTANA. QazAqparat - 2017 jyly Atyraý oblysynyń ákimdigi Aýyl sharýashylyǵy mınıstrligimen sýarmaly sý tekshe metrine sýbsıdııalaý stavkasyn 50-den 85%-ǵa ulǵaıtý týraly ýaǵdalastyqqa qol jetkizdi, bul óńirdiń fermerlerine qýanyshty jańalyq boldy, dep habarlady oblystyń óńirlik kommýnıkatsııa qyzmeti.
Oblysta sýarmaly sýdyń tekshe metriniń baǵasy ózindik quny boıynsha basqa óńirlerge qaraǵanda joǵary, bul aýyl sharýashylyǵy óndirýshilerine jaısyz bolǵan edi, memleket basqa óńirlerdegi sııaqty 50 paıyzyn tólep kelgen.
Ýaǵdalastyqtan keıin 2018 jyly oblys úshin sýarmaly sýdy sýbsıdııalaý stavkasyn 85 paıyzǵa kóterý sheshimi qabyldandy.
- Bul shynymen de keremet jańalyq boldy, óńirdiń klımattyq jaǵdaıyna baılanysty 50 paıyz sý shyǵynyn jappady. Bizde basqa oblystarǵa qaraǵanda qymbat, - dedi «Agro Felıks» sharýa qojalyǵynyń basshysy Enıseı ıÝn.
- Prezıdent ekonomıkany ártaraptandyrý qajettigin atap ótti. Biz naqty sheshimder qabyldanyp jatqanyna qýanyshtymyz. Kelesi jyldan bastap egis alańyn ulǵaıtamyz dep otyrmyz, sebebi sýbsıdııa 85 paıyzǵa artady. Sondaı-aq áriptesterim sońǵy tutynýshyǵa kókónis baǵasy da arzandaıtynyn aıtýda. Sýdyń arzan, qoljetimdi bolǵanynan barlyǵy da utady.
