Atyraýda qoǵamdyq tamaqtaný oryndarynyń jumys ýaqyty uzardy
ATYRAÝ. QazAqparat – Atyraýda qoǵamdyq tamaqtaný oryndarynyń jumys ýaqyty uzardy, dep habarlaıdy QazAqparat. Bul týraly oblystyń bas sanıtar dárigeri Mádenıet Tanaýovtyń búgingi qaýlysynda aıtylǵan.
«Qoǵamdyq tamaqtaný obektilerine saǵat 07:00-den 24:00-ge deıin (ujymdyq is-sharalar ótkizbeı, 50-den aspaıtyn otyratyn orynmen, 50% deıin toltyrylý, ústelder arasyndaǵy qashyq keminde 2 metr saqtalýyn qamtamasyz etip), fýdkorttar tek jetkizý qaǵıdasy boıynsha shtattyq rejımde jumys kestesin belgileı otyryp jumys jasaýǵa ruqsat etiledi» -delingen qujatta.
Sondaı-aq, kúsheıtilgen sanıtarııalyq-dezınfektsııalyq rejımdi saqtaı otyryp, azyq-túlik jáne azyq-túlik emes bazarlardyń jeksenbide jumys isteýine tyıym sala otyryp, jumys kestesi saǵat 09.00-den 20.00-ge deıin, saýda úıleri men ortalyqtary (pavılondar, býtıkter), saýda jelileri saǵat 09.00-den 22.00-ge deıin (toltyrylýy obekt syıymdylyǵynyń 30%-nan asyrmaı, 1 kelýshige 4 sharshy metrden kem emes), olardyń ishindegi azyq-túlik sýpermarketteri men dárihanalardy qospaǵanda jumys isteýine ruqsat etilgen. Al jeksenbide jumys jasaýyna tyıym salynǵan.
Eske sala ketelik, budan buryn Atyraýda dámhanalardyń jumys ýaqyty ózgerýi múmkin ekenin habarlaǵan edik.
