Atyraýda qoǵamdyq orynda shylym shekken qyz úshin anasy jaýapqa tartyldy
ATYRAÝ. QazAqparat - Atyraýda qoǵamdyq orynda shylym shekken qyz úshin anasy jaýapqa tartyldy, dep habarlaıdy QazAqparat tilshisi.
Atyraý oblysynyń kámeletke tolmaǵandar isteri jónindegi mamandandyrylǵan aýdanaralyq soty Qazaqstan Respýblıkasynyń Ákimshilik quqyq buzýshylyq týraly Kodeksiniń 435-baby boıynsha A.A-ǵa qatysty qozǵalǵan ákimshilik quqyq buzýshylyq týraly isti qarady.
«Іs boıynsha A.A-nyń kámeletke tolmaǵan 2003 jyly týǵan qyzy B.B. qoǵamdyq orynda, ıaǵnı Geolog poselkesinde ornalasqan avtoturaqta temeki shegip, temekiniń qaldyǵyn jerge tastaǵan. Sondaı-aq ol aınalasyndaǵylardy syılamaıtynyn bildirip, usaq buzaqylyq jasaǵan. Sot otyrysynda A.A. óziniń kinásin moıyndap, kámeletke tolmaǵan qyzymen sóılesetinin aıtty. Aldaǵy ýaqytta ondaı buzaqylyq qaıtalanbaıtyny týraly túsinik berdi. Keshirim surap, ókinish bildirdi», - dep habarlady oblystyq sottyń baspasóz qyzmetinen.
Aıta ketelik, kámeletke tolmaǵan B.B. óziniń kinásin moıyndap, temeki shegip, temekiniń qaldyǵyn jerge tastaǵanyn rastady. Aldaǵy ýaqytta qoǵamdyq tártipti saqtaıtynyn aıtty. Sondaı-aq, azamatsha A.A. QR ÁQBtK-niń 435-babymen kináli dep tanylyp, oǵan 11 785 teńge ákimshilik aıyppul salyndy.
