Atyraýda qoǵamdyq kóliktiń júrý ýaqyty ózgerdi

ATYRAÝ. QazAqparat – Búgin Atyraý qalasyndaǵy qoǵamdyq kóliktiń júrý kestesine ózgeris engizildi, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetine súıensek, mundaı ózgeris karantın engizilgennen beri jolaýshylar aǵynynyń azaıýyna baılanysty qabyldanǵan.

«11 sáýirden bastap aldaǵy senbi, jeksenbi kúnderi avtobýstar saǵat 8:00-den 17:00-ge deıin júredi. Al, dúısenbiden jumaǵa deıingi jumys kúnderi marshrýttyq avtobýstardyń qozǵalý ıntervali 7:00-9:00; 12:00-14:00; 17:00-19:00 saǵat aralyǵynda belgilendi»-dep habarlady qalalyq ákimdiktiń baspasóz qyzmeti.