Atyraýda qoǵamdyq kólikte dıfferentsıaldy tarıf engizý ýaqyty 10 kúnge shegerildi
ATYRAÝ.QazAqparat - Atyraýdaǵy qala halqynyń jol júrý kartalaryn satyp alý belsendiligi tómen. Sondyqtanda azamattar tolyqtaı kartalardy alý úshin, taǵy on kún berildi, dep habarlaıdy QazAqparat tilshisi.
Qoǵamdyq kólikte dıfferentsıaldy tarıfti engizý kúni taǵy da 10 kúnge shegerildi. Elektrondyq bıletter júıesin engizý jónindegi jobany iske asyrýshylardyń aıtýynsha, mektep oqýshylary men stýdentter jol júrý kartasyn alý úshin qujat tapsyrý belsendiligi tómen.
«Qazirgi ýaqytta biz mektep oqýshylary men stýdentterge jáne zeınetkerlerge, múgedekter men olardyń qamqorshylary sekildi ár sanattaǵylarǵa 5 myń danadan jol júrý bıletterin shyǵardyq. Bul qaladaǵy óte tómen kórsetkish. Osyǵan baılanysty dıfferentsıaldy tarıfti engizý kúnin taǵy on kúnge aýystyrý týraly sheshim qabyldandy. 11 qazanda ol tolyqtaı engiziledi», - dedi Smart Atyraý QMÝ dırektory Ádilbek Tankıev.
Aıta ketý kerek, búginde Atyraý qalasynda 90 myńǵa jýyq oqýshy, 50 myń stýdent, 27 myń zeınetker jáne 30 myńnan astam múgedekter men olardyń qamqorshylary bar.
Eske salaıyq, buǵan deıin qoǵamdyq kólikterde dıfferentsıaldy tarıfti engizý 1 qazanǵa josparlanǵan bolatyn.
