Atyraýda qoǵamdyq kólik jaıaý júrginshini qaǵyp ketti
Jol-kólik oqıǵasy Atyraý qalasynda búgin, 4 tamyzda saǵat 11:30 shamasynda bolǵan.
Bul derekti oblystyq polıtsııa departamentiniń baspasóz qyzmeti rastady.
Qoǵamdyq kóliktiń rýlinde 59 jastaǵy júrgizýshi bolǵan. Jolaýshy tasymaldaıtyn
qoǵamdyq kólik júrgizýshisi Qurmanǵazy kóshesimen qozǵalyp kele jatyp, jol
qaýipsizdigin qadaǵalamaǵan.
«Avtobýs júrgizýshisi rettelmegen jaıaý júrginshiler ótkelinen ótip bara jatqan 1988
jylǵy áıel adamdy qaǵyp ketti. Jol-kólik oqıǵasynyń saldarynan 34 jastaǵy áıel
jerge qulap, ártúrli dene jaraqatyn aldy. Zardap shekken jaıaý júrginshi medıtsınalyq
jedel járdem kóligimen oblystyq aýrýhanaǵa jetkizildi», -dep habarlady departamenttiń
baspasóz qyzmeti.
Qazir polıtsııa qyzmetkerleri atalǵan jol-kólik oqıǵasyna baılanysty tekserý júrgizip,
tıisti qujattardy jınaqtap jatyr.
Eske sala ketelik, buǵan deıin Atyraýda jol ortasynda júrgen jigit KamAZ kóliginiń astyna túskenin, keıin onyń ózine qol salmaq habarlaǵan edik.
Dárigerler 34 jastaǵy jigittiń tizesiniń ústi, oń jaq jambas súıegi synǵanyn anyqtady.
Jas jigit óziniń moıynyn pyshaq kesip, birneshe jaraqat salǵan.
Ony jumystan úıine qaıtyp kele jatqan polıtsııa qyzmetkerleri toqtatýǵa oqtalǵan.
Alaıda, polıtsııa qyzmetkerlerine baǵynbaǵan jigit jolda júrip bara jatqan KamAZ
avtokóliginiń astyna túsken.
