Atyraýda qoǵamdyq kólik jaıaý júrginshini basyp ketti
ATYRAÝ. QazAqparat – Atyraýda qoǵamdyq kólik basyp ketken jaıaý júrginshi aýrýhanaǵa jetkizildi, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, oqys oqıǵa 12 qazanda saǵat 10:00 shamasynda bolǵan.
Atyraý qalasynyń «Avangard» shaǵynaýdanyndaǵy aıaldamada «Ankai» markaly marshrýttyq avtobýs 60 jastaǵy turǵynnyń aıaǵyn basyp ketken. Avtobýstyń 50 jastaǵy júrgizýshisi burylǵan kezde jaıaý júrginshini baıqamaı qalǵan. Jedel járdem dárigerleri jaraqat alǵan azamatty oblystyq aýrýhanaǵa jetkizdi.
Qazir atalǵan oqıǵa tekserilip jatyr.
