Atyraýda «QMG» AQ-na 2,8 mlrd. teńgege jýyq kóleminde aıyppul salyndy
ATYRAÝ. 8 tamyz. QazAqparat - Atyraý oblystyq mamandandyrylǵan aýdanaralyq ekonomıkalyq sotynyń sheshimimen «QazMunaıGaz» Barlaý Óndirý» AQ-na 2 mlrd. 710 mln. 802 myń teńge kóleminde aıyppul salyndy.
Aımaqta 30-dan astam ken oryndaryn óńdeıtin, sondaı-aq jańa uńǵymalardy burǵylaıtyn kompanııaǵa ekologııany lastaǵany úshin aıyppul salyndy.
«Atyraý oblysy boıynsha sot aktilerin oryndaý departamenti atqarýshy óndiristi qozǵady. Atqarýshy óndiristi tekserý barysynda sot oryndaýshysy aıyppul somasyn tóletý boıynsha qajetti sharalardy qoldanbaǵany anyqtaldy. Osyǵan baılanysty qala prokýratýrasy zańdylyqtyń buzýshylyqtaryn joıý jáne sot sheshimin oryndaý boıynsha naqty sharalardy qoldaný týraly sheshim shyǵardy. Nátıjesinde «QazMunaıGaz» Barlaý Óndirý» AQ-nan memleket paıdasyna 2 710 802 921 kólemindegi aqsha alyndy», - dep habarlady oblystyq prokýratýdan.
