Atyraýda kisi tonap, qaraqshylyqpen aınalysqan top quryqtaldy
ATYRAÝ. QazAqparat - Atyraýda kúzet fırmasynyń qyzmetshilerine qatysty sotqa deıingi tergeý amaldary júrgizilýde, dep habarlaıdy QazAqparat tilshisi.
«Atyraýda tonaý jáne qaraqshylyqpen aınalysqan qylmystyq top quryqtaldy. Barlyǵy 5 kúdikti tulǵa, Ózbekstan Respýblıkasynyń eki azamatynan uıaly telefondary men aqshalaı qarajattaryn tartyp alǵan. 18-24 jas aralyǵyndaǵy kúdiktilerdiń ekeýi qaladaǵy kúzet fırmalarynyń birinde jumys isteıtini anyqtaldy»,- dep habarlady oblystyq Polıtsııa departamentiniń baspasóz qyzmetinen.
Atalǵan fakti boıynsha QR QK 192-babyna sáıkes sotqa deıingi tergep tekserý amaldary júrgizilýde.
QR QPK-tiń 201-babyna sáıkes qylmystyq is boıynsha ózge aqparattar jarııalaýǵa jatpaıdy.
