Atyraýda kisi ólimine kúdikti qolǵa tústi
ATYRAÝ. QazAqparat - Atyraýda «Qolǵa túsirý» jospary asa aýyr qylmysty jasady degen kúdiktini ustaýǵa kómektesti, dep habarlaıdy «QazAqparat» HAA tilshisi.
«102» qyzmetiniń operatoryna telefonmen Maılın kóshesinde er adamnyń máıiti tabylǵany týraly habarlama túsken. Onyń sol jaq ıyǵy pyshaqtalǵan. Qaza tapqan adamnyń jeke-basy anyqtaldy, ol 61 jastaǵy Atyraý turǵyny bolyp shyqty. Qalada «Qolǵa túsirý» jospary jarııalandy. Nursaıa shaǵyn aýdanynda júrgizilgen operatsııa barysynda "Kia Soul" kóligi toqtatylyp, er adamdy óltirdi degen kúdikpen ondaǵy 29 jastaǵy jas jigit ustaldy», - dep habarlady oblystyq ІІD baspasóz qyzmeti.
Baspasóz qyzmeti málimdegendeı, ustalýshydan pyshaq tabylǵan. Aldyn ala derek boıynsha, ol osy pyshaqpen adam óltirýi múmkin. QR QK 99-baby 1-bólimi «Adam óltirý» boıynsha sotqa deıingi tergeý jumystary bastaldy. Kúdikti ýaqytsha ustaý oqshaýlaǵyshyna qamaldy.
