Atyraýda kishkentaı qyzymen joǵalyp ketken kelinshek tabyldy
ATYRAÝ. QazAqparat – Atyraýda kishkentaı qyzymen birge joǵalyp ketken kelinshek bir kúnnen soń tabyldy, dep habarlaıdy QazAqparat.
Buǵan deıin Atyraýda 25 jastaǵy kelinshek kishkentaı qyzymen birge joǵalyp ketkenin habarlaǵan edik.
Oblystyq polıtsııa departamenti baspasóz qyzmetiniń málimetine qaraǵanda, joǵalǵan kelinshek qyzymen birge Atyraý qalasynan tabylǵan.
«Týysynan túsken shaǵymnan soń joǵalǵan kelinshek pen qyzyn izdestirý is-sharasy qolǵa alyndy. Atyraý qalalyq polıtsııa basqarmasy Jedel basqarý ortalyǵynyń qyzmetkerleri Atyraý qalasyndaǵy shaǵyn aýdandaryndaǵy kóshe oramdarynda ornatylǵan beınekameralarmen baqylaý júrgizdi. Sonyń nátıjesinde 31 qańtarda keshki saǵat 22:05 shamasynda «Almagúl» shaǵyn aýdanynda ornalasqan №6 úıdiń mańynan izdestirý jarııalanǵan azamatsha men onyń qyzy tabyldy», - dep habarlady departamenttiń baspasóz qyzmetinen.
