Atyraýda kishkentaı balaǵa oq atqan eki jasóspirim ustaldy

ATYRAÝ. QazAqparat – Atyraýda kishkentaı balany plastık oqpen atqan eki jasóspirim ustaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, oqıǵa keshe, 1 qyrkúıekte saǵat 20:00 shamasynda bolǵan.

«Atyraý qalalyq polıtsııa basqarmasy №2 polıtsııa bólimine 1976 jylǵy áıel ulyna kórshi aýlada turatyn jasóspirimder travmatıka qarýmen oq atqanyn habarlaǵan. Tekserý kezinde Atyraý qalasynyń SMP-136 shaǵyn aýdanyndaǵy №4 úıdiń aýlasynan 12 jasar eki jasóspirim anyqtaldy. Jasóspirimderdiń teris qylyǵy úshin 5 ata-anadan jazbasha aryzy alyndy. Sondaı-aq, plastık oq atylatyn oıynshyq tapanshalardyń sýyq qarýǵa jatatynyn anyqtaý maqsatynda saraptama taǵaıyndaldy», - dep habarlady departamenttiń baspasóz qyzmeti.

Oq atqan jasóspirimderdiń ata-analaryna qatysty QR Ákimshilik quqyqbuzýshylyq týraly kodeksiniń 127-babynyń 1-bóligimen (Kámeletke tolmaǵan adamdy tárbıeleý jáne (nemese) olarǵa bilim berý, olardyń quqyqtarymen jáne múddelerin qorǵaý jónindegi mindetterdi oryndamaý) hattama toltyryldy. Jınaqtalǵan is qujattary mamandandyrylǵan kámeletke tolmaǵandar isteri jónindegi sotqa joldanady.

Eske sala ketelik, buǵan deıin Atyraýda 14 jasar jasóspirim bireýdiń kóligin aıdap ketkenin habarlaǵan edik.