Atyraýda kir jýatyn máshıneden órt shyǵyp, 18 adam evakýtsııalandy
ATYRAÝ. QazAqparat - Atyraýda 5 qabatty úıdiń tórtinshi qabatynda órt tutanyp, 18 adam qaýipsiz jerge shyǵaryldy, dep habarlaıdy QazAqparat tótenshe jaǵdaılar komıtetiniń baspasóz qyzmetine silteme jasap.
«9 jeltoqsan kúni keshki saǵat 19:35-te Atyraý qalasy Prıvokzalnyı shaǵynaýdanyndaǵy bes qabatty úıden tútin shyqqany jóninde habar kelip tústi. Órt sóndirýshiler kelip jetkende tórtinshi qabattyń baspaldaǵynda kir jýatyn máshıneniń tutanyp, órtengeni belgili boldy. Órt sóndirýshiler 18 adamdy ǵımarattan kóshirdi. Onyń 8-i - bala. Avtobaspaldaqtyń kómegimen besinshi qabattaǵy páterdiń balkonynan 4 adam (úsheýi - bala) tómen túsirildi. Olar esik ashylmaı, páterden shyǵa almaı qalǵan. 19:45-te órt tolyq sóndirildi» delingen habarlamada.
Órtten zardap shekkender men qaza tapqandar joq. Oqıǵa ornynda Atyraý oblystyq TJD jeke quramynan 8 adam jáne úsh órt sóndirýshi tehnıka jumys istedi.
