Atyraýda kıiz basýdy úıretetin tegin sabaqtar ótti
ATYRAÝ. QazAqparat – Atyraýlyqtarǵa kıiz basý boıynsha tegin sheberlik sabaq ótkizildi, dep habarlaıdy QazAqparat tilshisi.
Sheberlik sabaqtar Kásipkerlik jáne ındýstrıaldy-ınnovatsııalyq damý departamentiniń qoldaýymen 7–9 tamyz aralyǵynda «Jumysker» mádenıet úıinde ótti. Onda «Qazaq qyzdary» akademııasynyń oqytýshylary barlyǵy 180 adamǵa quraq kórpe tigýdi, qazirgi zamanǵy tehnologııalardy qoldana otyryp kıiz basý tehnıkasyn úıretti.
«Qatysýshylardyń jalpy sanynyń tek 35-i - qala turǵyndary, qalǵany bizge Atyraý oblysynyń ártúrli aýdandarynan keldi. Olardyń arasynda kópbalaly analar, jas qyzdar men eresekter boldy. Biz óte qýanyshtymyz, semınarlar jaqsy ótti. Kóbisi óz isin ashyp, jańa tájirıbege aqsha tabýǵa tyrysqysy keledi eken. Barlyq qatysýshylarǵa saltanatty jaǵdaıda sertıfıkattar tapsyrylady», - dedi «Qazaq qyzdary» akademııasynyń dırektory Ásııa Muhsınova.
