Atyraýda keıbir nysandardyń jumys ýaqyty túngi 02:00-ge deıin sozylady
ATYRAÝ. QazAqparat – Atyraýda keıbir nysandardyń túngi saǵat 02:00-ge deıin jumys isteýine ruqsat berildi, dep habarlaıdy QazAqparat.
Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.
«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen qaýlyda.
Sondaı-aq, Ashyq jobasyna qatysatyn áleýmettik-ekonomıkalyq nysandarǵa saǵat 00:00-ge deıin, Ashyq jobasynyń kóshbasshylaryna saǵat 02:00-ge deıin jumys isteýge ruqsat etilgen.
Jańa qaýly 2021 jylǵy 28 tamyz saǵat 00:00-den bastap kúshine enedi.
Eske sala ketelik, buǵan deıin Atyraý oblysynyń mektepteri Ashyq jobasymen jumys isteıtinin jazǵan edik.
