Atyraýda keı mektepterde sanıtarlyq talaptar saqtalmaǵan
ATYRAÝ. QazAqparat – Atyraý oblysyndaǵy keıbir mektepte sanıtarlyq talaptar saqtalmaǵan, dep habarlaıdy QazAqparat.
Bul týraly oblys ákimdiginde COVID-19 ınfektsııasynyń kelesi kezeńiniń aldyn alý, qazirgi sanıtarlyq ahýal týraly keńeste aıtyldy.
Oblys ákiminiń orynbasary Baqytgúl Hamenovanyń málim etýinshe, 196 mektep bar. Qazir 23 myń oqýshy mektepke bilim alýda. Óńirdegi bilim oshaqtarynyń sanıtarlyq ahýalyn zerdelegen monıtorıng toby birqatar olqylyq anyqtaǵan. Máselen, mektepterde sanıtarlyq quraldardyń joqtyǵy, tirkeý jýrnaldary men medıtsınalyq maskalardyń bolmaýy aýrýdan saqtaný sharalarynyń álsizdigin kórsetedi.
«Ata-analar balalaryn bilim alsyn dep mektepke jiberedi. Mektepte oqýshylardyń qaýipsizdigin basty nazarǵa alý kerek. Osy oraıda buǵan mektep dırektorlary men birinshi basshylyq jaýapkershilikpen qaraý kerek. Bul – halyqtyń amanaty»,- dedi B.Hamenova.
Mektepterdiń basshylary qazirgi sátte atalǵan kemshilikter joıylǵanyn málim etti. Olar aldaǵy ýaqytta mundaı kemshilikterge jol berilmeıtinine ýáde berdi.
Keńeste oblys ákiminiń orynbasary Erjan Ábilhanov kásipkerlerdi qaýipsizdik sharalaryna beı-jaı qaramaýǵa shaqyrdy. Al monıtorıngtik top ókilderi reıdke tótenshe jaǵdaılar jónindegi ókilderdi qosýǵa usynys bildirdi. Óıtkeni, kóptegen nysannyń ıeleri esigin ashpaı, qıyndyq týdyrýda eken.
Osyǵan oraı jaýapty tulǵalarǵa atalǵan kemshilikterdi joıyp, indet kúsheıer bolsa, onymen kúreske saqadaı-saı bolý tapsyryldy.
Eske sala ketelik, budan buryn Atyraýda 1600 reıd tekserýi júrgizilgenin jazǵan bolatynbyz.
