Atyraýda kelininen taıaq jegen ene aýrýhanadan bir-aq shyqty
ASTANA. QazAqparat - Atyraý oblysynyń Mahambet aýdandyq sotynda Qazaqstan Respýblıkasynyń QK-niń 107-babynyń 1-bóligimen sottalýshy O.N.-ǵa qatysty qylmystyq is qaraldy.
Sottalýshy O.N. Tańdaı selosyndaǵy óz úıiniń as bólmesinde ydys aıaq jýyp jatyrǵan ýaqytta ózimen birge turatyn enesine ashýlanyp, enesin betinen uryp jiberip, jerge qulatqan. Sonyń saldarynan jábirlenýshi J.A. Mahambet aýdandyq aýrýhanasyna túsedi, dep habarlaıdy sottyń baspasóz qyzmetinen.
Basty sot talqylaýynda sottalýshy O.N.óziniń áreketine ókinetindigin, jábirlenýshiden keshirim suraǵanyn, al jábirlenýshi sottalýshynyń óz balasynyń joldasy bolǵandyqtan onymen medıatsııa tártibimen tatýlasqanyn, eshqandaı talaby joq ekenin, keshirim bergenin aıtqan.
Sot is qujattaryn zerttep, sottalýshy O.N. men jábirlenýshiniń medıatsııa tártibinde tatýlasqanyn eskerip, Qazaqstan Respýblıkasynyń 68- babynyń 1-bóligi negizinde atalǵan qylmystyq is boıynsha is júrgizýdi toqtatty.
Sot qaýlysy zańdy kúshine endi.
