Atyraýda «QazMunaıGaz» kompanııalary toby qyzmetkerleriniń spartakıadasy bastaldy

Búgin, tamyzdyń 8-i kúni Atyraý qalasyndaǵy «Munaıshy» ortalyq stadıonynda «QazMunaıGaz» UK AQ (budan ári – QMG) enshiles jáne táýeldi uıymdarynyń qyzmetkerleri arasyndaǵy spartakıadanyń saltanatty ashylý rásimi ótti.

Sport dodasy QMG 20 jyldyǵy men «Embimunaıgaz» AQ 100 jyldyǵyna oraı uıymdastyrylyp otyr. Sporttyq shara 11 tamyzǵa deıin jalǵasady.

Sharanyń ashylý saltanatyna QMG Apparat basshysy Erhan Omarov arnaıy qatysyp, komandalarǵa jarqyn jeńister tiledi.

Tórt kúnge sozylatyn baıraqty jarysta elimizdiń túkpir-túkpirinen 20-ǵa jýyq mekemeden 400-den astam munaıshy sporttyń 9 túrinen synǵa túsedi. Atap aıtsaq, ústel tennısi, shahmat, voleıbol, basketbol, júzý, shaǵyn fýtbol, toǵyzqumalaq, jeńil atletıka. Jarystar Atyraý qalasyndaǵy alty sport nysanynda ótedi.