Atyraýda qazaqtyń ataqty úsh bıine eskertkish ornatyldy
ATYRAÝ. QazAqparat - Atyraýda Tóle, Qazybek jáne Áıteke bıge alyp eskertkish qoıyldy, dep habarlaıdy QazAqparat óńirlik kommýnıkatsııalar qyzmetine silteme jasap.
Oblystyq sot ǵımaratynyń ortalyq kire berisinde qazaq bılerine eskertkish ornatyldy. Merekelik sharaǵa Atyraý oblysy ákiminiń birinshi orynbasary Serik Shapkenov, Atyraý oblystyq sotynyń tóraǵasy Marǵulan Bekturǵanov jáne Qazaqstan kásipodaqtar federatsııasynyń tóraǵasy Baqytjan Ábdiraıym, zııaly qaýym ókilderi jáne aqyndar qatysty.
Oblys ákiminiń birinshi orynbasary Serik Shapkenov óziniń quttyqtaý sózinde eskertkishtiń ashylýy - bul munaıly aımaqtyń qoǵamdyq jáne mádenı ómirindegi mańyzdy oqıǵa ekenin atap ótti.
«Joba Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda júzege asyryldy. Qazaqstan halqy tarıhtaǵy eń kúrdeli kezeńde qazaqtardy biriktirýde sheshýshi ról atqaryp, eldiń erkindigi men táýelsizdigi úshin kúresken uly bıler - Tóle, Qazybek jáne Áıtekeni qurmettep, eshqashan esten shyǵarmaıdy. Bul - urpaq sabaqtastyǵy, dástúrler jalǵasy. Eskertkish oblystyq sot ǵımaratynyń janynda kezdeısoq ornatylmaǵan, bul - qazaq halqynyń danalyǵy, ádildigi men abyroıynyń sımvoly», - deıdi Serik Shapkenov.
Aıta keteıik, eskertkishtiń bıiktigi - 4 metr. Qoladan jasalǵan jáne mármár tuǵyrda ornalasqan. Eskertkishtiń avtory - ataqty qazaqstandyq músinshi Baqytbek Muhametjanov.
