Atyraýda Qazaqstan polıtsııasynyń 25 jyldyǵyna arnap beınerolık túsirildi
ASTANA. QazAqparat - Qazaqstan polıtsııasynyń 25-jyldyǵy qarsańynda Atyraýdyń órt sóndirýshileri «Avtokóliktegi órtti sóndirý» atty maneken-chelendj daıyndady, dep habarlaıdy Atyraý oblystyq tótenshe jaǵdaılar departamentiniń baspasóz qyzmeti.
Beınerolık Atyraý oblysy TJD Órt sóndirý jáne avarııalyq-qutqarý jumystary qyzmeti №1 mamandandyrylǵan órt sóndirý bóliminiń aýmaǵynda túsirilip, onda №1 órt sóndirý bólimi men №1 mamandandyrylǵan órt sóndirý bólimi bastyǵynyń orynbasary Aslan Zakraılovtyń basshylyǵyndaǵy qaraýyldar qatysty. Rolıkte qutqarý operatsııalarynyń elementterin kórýge bolady, biri órt sóndirý jumystaryn júrgizse, biri órtke oranǵan avtokólikten zardap shegýshini qutqardy.
Beınetúsirilimniń maqsaty - órt sóndirýshiler men qutqarýshylardyń kúndelikti jumysynyń qanshalyqty jaýapty ekendigin kórsetý. Rolıkti kórýshiler shynaıy jaǵdaıdaǵy olardyń is-áreketterin kóre alady.
