Atyraýda qazaqsha kúresten ashyq respýblıkalyq týrnır ótti
ATYRAÝ. QazAqparat - Atyraýda qazaqsha kúresten ashyq respýblıkalyq týrnır ótti, dep habarlady Atyraý oblysynyń óńirlik kommýnıkatsııalar qyzmetinen.
Atalmysh shara «Uly dalanyń ulttyq dástúrleri» Halyqaralyq forýmy aıasynda ótti. Jarysqa Qazaqstannyń barlyq oblystarynan myqty degen 18 sportshy, sondaı-aq Grýzııanyń palýandary qatysty.
«Qazirgi ýaqytta Atyraý oblysynda ulttyq sport túrleri belsendi damyp keledi, solardyń biri qazaqsha kúres. Jarysqa «Qazaqstan barysy» jáne «Álem barysy» týrnırleriniń jeńimpazdary qatysty. Іs-shara joǵary deńgeıde ótti», - dedi oblystyq dene shynyqtyrý jáne sport basqarmasynyń basshysy Azamat Beket.
Týrnırdiń jalpy júlde qory 4 mıllıon teńgeni qurady. Bas aqshalaı júlde - 2 mıllıon teńgeni Shyǵys Qazaqstan oblysynyń palýany Aıbek Nuǵymarov ıelense, ekinshi oryn alǵan almatylyq palýan Dáýren Nýralınov 1 mıllıon teńgeni qanjyǵasyna baılasa, úshinshi oryndy, ıaǵnı 500 myń teńge aqshalaı júldeni qaraǵandylyq Erjan Shynkeev pen almatylyq Rýslan Ábdirazaqov bólisti.
