Atyraýda qazaqı naqyshtaǵy shyrsha ornatyldy
ASTANA. QazAqparat - Atyraý qalasynda qazaqı úlgidegi shyrsha ornatyldy. Bul týraly QazAqparat "Moı GOROD " portalyna silteme jasap habarlaıdy.
Atyraý shyrshasy "Moı GOROD" portalyndaǵy daýys berý qorytyndysy boıynsha Batys Qazaqstandaǵy eń ádemi shyrsha atanǵan.
Sondaı-aq, Isataı-Mahambet alańyna ornatylǵan jańa jyldyq shyrsha áleýmettik jelide qyzý talqyǵa túsken. Bireýler shyrshanyń munaı astanasy úshin tym qarapaıym ekenin jazsa, jańajyldyq bezendirýge jumsalǵan qarajatty jaǵdaıy tómen jandarǵa berýdi usynǵan.
«Shyrsha ornatpaı, qalany bezendirýge qarajat bólmeýge de bolar edi. Biraq, Astana men Almaty qalalaryna barǵanda, ásem bezendirýler men bıik shyrshalarǵa qyzyqpaý múmkin emes. Meniń oıymsha, qala óz deńgeıinde bezendirilýi tıis. Qalany bezendirmeı qoısaq ta, halyq syn aıtar edi», - dedi qala ákimi Serik Shápkenov Óńirlik kommýnıkatsııalar ortalyǵynda ótken baspasóz máslıhatynda.
Portaldyń habarlaýynsha, bıyl Atyraý qalasynyń jańajyldyq bezendirilýine jergilikti bıýdjetten 89 mıllıon teńge bólingen. Byltyr bul soma 59 mıllıon teńgeni quraǵan.
