Atyraýda qazaq kúresinen «Polıtsııa barysy» ótti
Elimizdiń batys aýmaǵynda toılanatyn «Kórisý» merekesine oraı Polıtsııa departamentiniń uıymdastyrýymen quqyqqorǵaý organdary qyzmetkerleri arasynda qazaqsha kúresten jarys ótti.
Nátıjesinde, «Polıtsııa barysy» ataǵyn qarsylastaryna boz kilemde des bermegen aǵa leıtenant Amanbek Arýov jeńip aldy.
Sport pen qyzmetti qatar alyp júrgen Polıtsııa departamentiniń jyldam qımyldaıtyn arnaıy jasaq ınspektory Amanbek Arýov ishki ister organdarynda 5 jylǵa jýyq qyzmet etedi. Ol buǵan deıin de sambo kúresinen sport sheberi, belbeý kúresinen Qazaqstan chempıony atanyp úlgergen. Sportshy-polıtseıge departament basshylyǵy halyqaralyq jarystarǵa da qatysýǵa múmkindik jasap keledi.
«Polıtsııa barysy» saıysynda ishki ister organdarynan barlyǵy 11 komanda qatysyp, 100-ge jýyq qyzmetker kúshterin synady.
Aıta ketý kerek, qazirgi ýaqytta Polıtsııa departamentinde halyqaralyq dárejedegi 7 chempıon qyzmet etedi. Onyń ishinde departament bastyǵy polıtsııa polkovnıgi Aıan Dúısembaevtiń ózi de bar.
