Atyraýda qazaq kúresinen el chempıonaty ótip jatyr
Qazaq kúresinen erler men áıelder arasyndaǵy Qazaqstan Respýblıkasynyń chempıonatyny Mádenıet jáne sport mınıstrliginiń Sport jáne dene shynyqtyrý isteri komıteti men «Qazaq kuresi» assotsıatsııasynyń, Atyraý oblysynyń dene shynyqtyrý jáne sport basqarmasynyń uıymdastyrýymen ótip jatyr.
Jarysqa elimizdiń 17 oblysy pen Astana, Almaty, Shymkent qalalarynan 700-den astam balýan qatysýda. Baıraqty básekede erler arasynda 55-100 keli jáne odan joǵary, al áıelder arasynda 48-77 keli men odan joǵary salmaq dárejesinde myqtylar anyqtalady.
«Halqymyzdyń ejelden kele jatqan ulttyq oıyndarynyń biri – qazaq kúresi. Sporttyń bul túri óskeleń urpaqtyń shymyr ári bilekti, deni saý bolyp qalyptasýyna yqpal etedi.
Qazir Atyraý oblysynda da qazaq kúresi keń qanat jaıyp, balalar-jasóspirimder sport mektepteri men joǵary sport sheberligi mektebinde arnaıy sektsııalar jumys isteıdi.
Qazaq kúresimen turaqty shuǵyldanatyn atyraýlyq sportshylardyń qatary 3500-ten asty», -deıdi oblys ákiminiń orynbasary Jasulan Bısembıev.
Uıymdastyrýshyladyń aıtýynsha, úzdikter kelesi jyly ótetin Əlem jəne Azııa chempıonattarynda el namysyn qorǵaıdy.
Eske sala ketelik, budan buryn Atyraýda júgirýden Atyrau Marathon – 2022 qaıyrymdylyq marafony ótkenin jazǵan edik.