Atyraýda qaıyr suraǵan adamǵa aıyppul salyndy
ATYRAÝ. QazAqparat - Atyraýda qaıyrshylyqpen aınalysqan azamatshaǵa aıyppul salyndy, dep habarlaıdy QazAqparat tilshisi.
«Atyraý qalasynyń mamandandyrylǵan aýdanarlyq ákimshilik sotynyń sheshimimen Qazaqstan Respýblıkasynyń ÁQBtK-niń 449-babynyń 2-bóligine sáıkes, azamatsha H.S.-ǵa qatysty ákimshilik is qaraldy. H.S. Atyraý qalasy Imanǵalı ortalyq meshiti aldynda júrginshilerdi mazalap, qaıyrshylyqpen aınalysqan. Ol buǵan deıin de osyndaı áreketi úshin jaýapqa tartylǵan bolatyn», - delingen sottyń habarlamasynda.
Sondaı-aq, sot sheshimimen H.S. esimdi azamatsha kináli dep tanylyp, oǵan ákimshilik jaza retinde 15 883 tenge kóleminde aıyppul salyndy.
