Atyraýda qaıyn enesin WhatsApp arqyly balaǵattaǵan azamat sottaldy
ATYRAÝ. QazAqparat - Atyraýda qaıyn enesin balaǵattaǵan azamat sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Atyraý oblysy Mahambet aýdandyq sotynda B. esimdi azamatqa qatysty ÁQBtK 434-baby, 1-tarmaǵy boıynsha ákimshilik is qaraldy. Zań buzýshy B. 2019 jyldyń qańtar aıynda WhatsApp messenjeri arqyly qaıyn enesiniń mazasyn alyp, aýyr sózdermen balaǵattaǵan. Osylaısha usaq buzaqylyq jasaǵan.
Sotta aıyptalýshy óz kinásin tolyq moıyndap, istegen isi úshin ókinetinin aıtty. Sóıtip qaıyn enesinen keshirim surady. Degenmen, jábirlenýshi T. kúıeý balasyn keshirmegenin aıtyp, ony zań boıynsha qatań jaýapkershilikke tartýdy ótindi.
Sot Atyraý turǵynyn aıypty dep taýyp, oǵan 1 táýlikke qamaýǵa alý jazasyn taǵaıyndady. Sot úkimi zańdy kúshine engen joq.
